Mbyllja përfundimtare e çështjes “21 janari” pasi Gjykata e Lartë refuzoi rekursin e prokurorisë ka sjellë reagimin e ashpër të deputetit të Partisë Socialiste Erjon Braçe.
Nga foltorja e parlamentit Braçe tha se mbyllja e kësaj dosjeje legjitimon sipas tij shkrirjen totale të këtij sistemi gjyqësor të korruptuar.
“Është vendimi që e përmbyll një kalvar të gjat shqyrtimi.Gjykim nuk është bërë. Ishte vrasje shtetërore. Ata gjyqtarët nuk janë as të lartë e as të ulët. Nuk mund ta pranoj që këto gjyqtarë të korruptuar të imponojnë vendimin e tyre përmes të cilit thonë se 4 qytetarët u vranë padashje. Nëse ka një fakt që legjitimon shkrirjen e gjykatave, është ky vendim. Është e turpshme që të jenë vrarë 4 njerëz e për dy prej tyre nuk dihet vrasësi. Për Aleks Nikën dhe Hekuran Dedën. Kjo çështje legjitimon shkrirjen e gjykatave’ ka thënë Braçe.
Më tej Braçe i ka bërë thirrje opozitës të kthehet në Parlament për të votuar reformën në drejtësi, duke deklaruar “Ose të votohet reforma në drejtësi, ose të dorëzohemi, e të ikim”.