Një ngjarje e rëndë ka ndodhur në qytetin e Gjirokastrës në orët e para të mëngjesit të sotëm. Një vajzë e re 20-vjeçare Klea Muxhaj ka humbur jetën gjatë lindjes në maternitet.
Mësohet se nëna e re, nga fshati Zhulat i Gjirokastrës, u dërgua në maternitet gjatë natës. Ajo u fut në sallën e lindjes dhe solli në jetë foshnjen.
Por disa orë pas lindjes, Muxhaj pati komplikacione, çka më pas i shkaktuan vdekjen. Shkaqet e ngjarjes janë të paqarta ndërsa foshnja është në gjendje të mirë shëndetësore dhe nuk ka probleme.
Pas ngjarejs së rëndë i ka reaguar edhe Spitali i Gjirokastrës.
Në reagimin zyrtar bëhet me dije se e reja pas ndërhyrjes operatore, “ka pasur komplikacione të rënda dhe me gjithë përpjekjet e mëdha të stafit mjekësor nuk ka arritur të mbijetojë”.
Pritet të kryhet ekspertiza mjekoligjore për ngjarjen.
REAGIMI I PLOTE
Spitali Rajonal i Gjirokastrës i shpreh ngushëllimet familjarëve për humbjen e të ndjerës, 20 vjeçares me inicialet K.M., e cila është trajtuar në këtë spital mbrëmjen e djeshme.
Menjëherë sapo është paraqitur në spital 20 vjeçarja është asistuar nga mjekët dhe ka sjellë në jetë foshnjen e saj shëndoshë e mirë.
Pas ndërhyrjes operatore, e reja ka patur komplikalcione të rënda dhe megjithë përpjekjet e mëdha të stafit mjekësor nuk ka arritur të mbijetojë.
Pritet të kryhet ekspertiza mjekoligjore për ngjarjen.
Spitali i Gjirokastrës siguron qytetarët që stafi i kualifikuar i spitalit tonë është në shërbim 24/7 për pacientët.
g.kosovari
