Në Srebrenicë ndodhi ajo që nuk pritej, kandidati serb arriti të fitojë zgjedhjet për drejtimin e bashkisë. Kadidati Nikola Grujiçiç i cili kishte mbështetjen e të gjitha partive serbe, arriti të triumfojë përballë kryebashkiakut në detyrë Camil Durakovic, ky i fundit i etnisë boshnjake. Askush nuk e priste dhe kjo fitore e serbëve pritet të trazojë edhe më shumë ujrat në shtetin e brishtë të Bosnjës. Referendumi i Republikës Srpska për pavarësi, dhe tashmë humbja në Srebrenicën e masakrës së para 20 viteve kanë ngjallur ëndrrën e Serbisë së madhe. Pas rezultatit të zgjedhjeve në Srebrenicë, në rrugët e qytetit dëgjoheshin brohorimat “fitore”, “Serbia”.
E të mendosh që 20 vite më parë ushtarakët serbë bënë masakrën më të madhe pas luftës së dytë pikërisht në Srebrenicë, nda muslimanëve boshnjakë.
Disa muaj para përfundimit të luftës së Bosnjës, forcat serbe të Bosnjës nën gjeneralin Ratko Mlladiç morën nën kontroll «strehimoren e sigurt» të Kombeve të Bashkuara në lindje të Srebrenicës, i ndanë burrat dhe djemtë prej grave, dhe i çuan ata në fushat e vrasjeve, ku ishin qëlluar prapa kokës me duart e lidhura pas shpinës. Më shumë se 8 mijë boshnjakë u vranë dhe mijëra të tjerë u dëbuan nga vendi.
Trupat më vonë ishin hedhur në varreza masive dhe ishin zhdukur dëshmitë. Disa prej të rrëmbyerve ia kishin dalë të mbijetonin, duke u hequr si të vdekur ose duke u fshehur në mes kufomave.
Dhe sot, pas 20 vitesh, serbët arrijnë të fitojnë me votë Srebrenicën.
