Mos deklarimi real i pagave nga ana e punëdhënësve është një problemet më të prehta, që cënon direkt qytetarin në të ardhmen.
Administrat tatimore ka evidentuar 20 mijë punonjës, pagat e të cilëve nuk janë reale. Bëhet fjalë për rreth 20 lloje profesionesh ku përfshihen kuzhinjer, inxhinjer, arkitektë etj.
Drejtorja e Tatimeve, Delinda Ibrahimaj, teksa inspektoi një subjekt privat tha se po sensibilizohen bizneset nëpërmjet informimit, për reduktimin e këtij fenomeni.
Tatimet kanë tentuar disa herë ta luftojnë këtë dukuri.
Ndërkaq, Drejtoria e Përgjithshme e Tatimeve lajmëroi se nga monitorimi paraprak i të dhënave të deklaruar vërehet një përmirësim i ndjeshëm në deklarime, ndërsa është rritur paga për 5.536 punonjës ose 34% e punonjësve të deklaruar deri në nëntor 2019. Efekti total për këto tatimpagues është mbi 44 milion lekë për muajin nëntor.
Ibrahimaj siguroi se krahas lehtësirave përmes shërbimeve online, tatimpaguesit do të jenë në qendër të vëmendjes përmes Drejtorisë së Shërbimit për tatimpaguesit në ndërgjegjësimin dhe informimin paraprak mbi elementët e riskut në deklartimet e tyre tatimore. /e.s/
