Gjykata e Krimeve të Rënda ka caktuar masën ‘arrest me burg’ për Demo Progonati, i cili u arrestua tre ditë më parë pasi akuzohet për trafikimin e 2.4 ton kanabis sativa në Italia.
Policia italiane mundi të sekuestronte drogën, si dhe arrestoi një person, ndërsa policia shqiptare shpalli në kërkim Progonatin.
Ishte Prokuroria e Krimeve të Rënda që nxori urdhër ndalimin, si i dyshuar për veprën penale të “Trafikimi i narkotikëve në bashkëpunim”,
“Më datë 09.01.2017, sëbashku me shtetas të tjerë, dyshohet se ka trafikuar një sasi prej 2.4 (dy pikë katër) ton lëndë narkotike e llojit Cannabis Sattiva” thuhet në njoftim e policisë.
Sasia e madhe e drogës u seksutrua nga policia italiane në dy aksione të zhvilluar në orët e para të mëngjesit të 10 janarit, rreth 7 milje në afërsi të Brindisit në shtetin italian, u kapën 1.9 ton drogë, ndërsa rreth orës 13:30 minuta është sekuestruar edhe sasia prej rreth 500 kg në vendin e quajtur “Plazhi i Dafinës” në Karaburun të Vlorës”. /b.d
