Kryetari i Partisë për Drejtësi Integrim dhe Unitet Shpëtim Idrizi ka komentuar sërish deklaratat e dhëna në Tiranë por edhe në media nga ministri i jashtëm Grek Nikos Kotzias. Idrizi tha se ai ngjason me një qaraman që thotë broçkulla.
“Kotzias foli broçkulla, ndryshë flet në Shqipëri, ndryshe në Greqi. Në vizitën e radhës, Kotzias do e presim me 150 mijë shqiptarë. Kotzias si Baron Portokalli tek aventurat e Cipolinos. Po flet broçkulla në shtypin grek. Më ngjan si fëmija qaraman që kur kthehet në lagjen e vet krekoset.” -tha Idrizi.
Lidhur me ligjin e luftës Idrizi tha se “Greqia duhet të sqarojë zyrtarisht, jemi në luftë apo në paqe”.
Kreu i PDIU-së falënderoi qeverinë për qëndrimin që mbajti gjatë vizitës së kryediplomatit grek në Tiranë duke shtuar se për të parën herë kishim qëndrim reciprok.
