19-vjeçari, Ilirjan Hasanaj, i cili është autori i atentatit ndaj shefit të Policisë së Malësisë së Madhe, ka qënduar i fshehur në Velipojë. I riu u vetëdorëzua dje, pasi u bind nga babai i tij, nëpërmjet një telefonateje. Ka qenë vetë Arben Hasanaj që e ka dorëzuar Ilirjanin në komisariat, bashkë me babain e 23-vjeçarit, Verzan Bajrakurtajt.
Ndërkohë, dy deklaratat kontradiktore mes babait dhe djalit të tij, ngrenë dyshime mbi të vërtetën. Në dëshminë e sotme 19-vjeçari ka deklaruar se e atentatin e ka bërë pa e menduar dhe shkak ka qenë një konflikt për pronësinë, konflikt që e kishte dëgjuar nga babai i tij. Ndërsa, babai i Ilirjan Hasanajt disa ditë më parë ka dëshmuar se me familjen e Mentor Hasanajt nuk kanë pasur asnjëherë konflikt.
Nga ana tjetër Report Tv mëson se familja e shefit të policisë ka qenë e përfshirë në në konflikt pronësie në 2008 por që s’ka lidhje me familjen e Ilirjanit. Ngjarja në 2008 ka ndodhur në Grufushë, por s’ka të dhëna me familjen e djalit. E gjithë ngjarja pritet të zbardhet në vijim.
Ka qenë vetë babai që e ka dorëzuar Ilirjanin në komisariat, bashkë me babain 23 vjeçarit Verzan Bajrakurtajt, bashkëpunëtorit të 19 vjeçarit, pasi kanë qenë prindërit ata që kanë ndikuar që të rinjtë të dorëzohen në polici.
Babai i tij ka arritur të sigurojë vendodhjen e djalit të tij, në Velipojë, ku kanë qëndruar të fshehur. Ai ka folur në telefon me të birin dhe e ka bindur që të dorëzohet në policinë e Shkodrës. I ri ka shfaqur shenja pendese në dëshminë që ka dhënë.
g.kosovari
