Një 19-vjeçar u arrestua në flagrancë nga Policia e Beratit pasi gjatë kontrollit të policisë në fshatin Balibardhë, u gjet një parcelë me 800 rrënjë kanabisi.
I riu Amarildi Ll, me banim në fshatin Perondi dyshohet të jetë kultivuesi dhe personi që ruante parcelën. Lënda narkotike ishte me lartësi 30-60 cm ndërsa policia sekuestroi edhe një automatik me dy krehëra e 32 fishekë.
Ai akuzohet për veprat penale “Kultivimi i bimëve narkotike” dhe “Prodhimi dhe mbajtja pa leje e armëve luftarake dhe e municionit”./Gazeta Express/
