Shqipëria duhet të reduktojë me 10% aksidentet në punë dhe të rrisë me 2% produktivitetin deri në vitin 2020. Po kështu me 25% duhet të rritet numri i bizneseve që do të zbatojnë të gjitha rregullat e kërkuara për sigurinë dhe shëndetin në punë. Objektivat janë përcaktuar në strategjia e Sigurisë dhe Shëndetit në punë 2016-2020, e cila tashmë ka hyrë në fuqi.
Sipas saj, do të duhet të arrihen një sërë objektivash për të rritur produktivitetin dhe reduktuar orët e humbjes nga sëmundtjet, paaftësia e përkohshme etj. Statistikat tregojnë se në Shqipëri kultura e sigurisë dhe e shëndetit në punëështë shumë e ulët.
Sipas të dhënave të vitit 2015, vlerësimi i riskut në vendin e punës kryhej shumë rrallë, në vetëm 11.5% e subjekteve të inspektuara. Mbrojtja nga zjarri dhe planet e evakuimit mungojnë pothujase në shumicën e vendeve të punës, thuhet në strategji.
Gjatë vitit të kaluar numri i aksidenteve në punë arriti në 125, shumica të raportuara në sektorin e minierave dhe guroreve ( 33). Në pjesën më të madhe si shkaqe vlerësohen mungesa e masave mbrojtëse, paaftësia e punëdhënësit për të ofruar mjete të tilla, por edhe mospërdorimi i tyre nga ana e punëmarrësit.
Strategjia tregon se ka pasur jë përmirësim të lehtë tënumri të sëmundjeve profesionale të identifikuara. Kështu gjatë 2015-ës 1,327 subjekte kishin prezencë së shërbimeve mjekësore.
Por, megjithatë në Shqipëri numri i aksidenteve konsiderohet tejet i lartë, ku mosha mesatare mësohet të jetë rreth 43 vjeç.
Ndër problematikat kryesore veçohen : vetëdija e ulët ligjore, mungesa e njohurive, numri i madh i ndërmarrjeve të vogla dhe të mesme jashtë skemës së mbulimit të sigurimit shëndetësor e po kështu edhe niveli i lartë i papunësisë që i dedikuaroj punonjësit të kërkojnë për kushte më të mira pune.
Në këto kushte, qeveria shqiptare do të duhet të marrë një sërë masash, ku mes tyre edhe reduktimin me 5% të ekonomisë informale deri në vitin 2020, si dhe të garantojë rritjen me 5% të shpenzimet në total për shëndetin në lidhje me praktikat e sigurisë dhe shëndetit në punë tek biznesi privat.
Monitor/d.i.
