Ministri i Brendshëm Taulant Balla, përmes rrjeteve sociale përsërit apelin për drejtuesit e automjeteve për të respektuar rregullat e qarkullimit rrugor.
Sipas Ballës, për mjetet që parkohen në shkelje të rregullave të qarkullimit rrugor, Policia do t’i bllokoi dhe largoi me karroatrec nga vendi ku janë parkuar.
Ministri i Brendshëm, duke publikuar shifrat e masave administrative të vendosura nga Policia e Rrugore e Tiranës, gjatë ditës së martë, konkretisht: 1 874 masa për qëndrim të gabuar; 79 masa për shpejtësi tej normave dhe 23 masa për mos dhënie përparësi qytetarëve, u bënë apel drejtuesve të automjeteve për reflektim.
“Numri i madh i masave për shkeljet e qarkullimit rrugor ditën e djeshme (26 Shtator 2023) në Tiranë, është një apel publik për reflektim dhe bashkëpunim drejtuar përdoruesve të mjeteve. Policia e Shtetit nuk do ta tolerojë asnjë çast këtë shkelje masive dhe këtë karshillëk. Brenda pak ditësh çdo mjet i parkuar gabim do të largohet nga vendqëndrimi i gabuar me makineri të specializuar të kontraktuar nga Policia Rrugore dhe do të bllokohet”, nënvizon Balla.
/a.r
