Toronto Raptors nuk dorëzohet. Skuadra kanadaze fitoi 99-84 ndaj Cleveland Cavaliers në Air Canada Center, duke e shkurtuar në 2-1 rezultatin se serisë së finaleve të Konferencës së Lindjes. Në parketin Torontos mbretëroi DeMar DeRozan, që vetëm gjatë pjesës së parë realizoi 21 pikë, duke qenë ai heroi i Raptors, që e komanduan përballjen nga fillimi deri në fund. Ylli i Raptors shënoi në total 32 pikë, në pak më shumë se 40 minuta lojë, dha katër asist si dhe kontrolloi 5 topa nën tabelë. Kyle Lowry shtoi 20 pikë të tjera, për Toronton, ndërsa Biyombo ishte një provë forcë poshtë koshit me të paktën 18 ribound. Mbrëmje aspak pozitive për Cavaliers, që ruajtën disi ekuilibrat në ndeshje vetëm gjatë periodës së parë, që u mbyll 27 – 24 në favor të Raptors.
Fundi i pjesës së parë, me tabelën elektronike që tregonte 60-47, ishte një shenjë domethënëse për triumfin e pritshëm të Torontos. LeBron James, më miri për Cavaliers, shënoi vetëm 4 pikë, dha 5 asist si dhe kontrolloi 8 topa nën tabelë, por nuk u ndihmua sa duhet nga Irving dhe Love, që shënuan së bashku 16 pikë, ndërsa loja e mirë e Smith që realizoi 22 pikë, nuk mjaftoi për të rikuperuar diferencën me Raptors. Ndeshja e katërt finale do të zhvillohet po në Air Canada Center në orët e para të së martës.
SS/d.i.
