Ka reaguar Partia Socialiste pas akuzave të Bashës nga Gjirokastra. Në një deklaratë për mediat, reagoi deputeti socialist Ervin Bushati. Ai tha se është pikërisht Basha që nuk ka mbajtur asnjë premtim të dhënë për qytetarët e Tiranës dhe se këtë e kofirmon në deklaratat e tij çdo ditë edhe vetë kandidati i PD për Tiranën, Halim Kosova.
“Lulzim Basha s’ka mbajtur asnjë premtim në këto 4 vite. E megjithatë sot e ka hapur thesin duke premtuar çudira që nuk ia besojnë më as kandidatët e Partisë së tij Demokratike.
Dje, ishte kandidati i tij për Tiranën zëri më i fundit që iu bashkua kritikave duke denoncuar premtimin e pambajtur të Lulit për ndërtimin e terreneve sportive në kryeqytet.
“Problemi kryesor është infrastruktura e sportit dhe e terreneve sportive, problemi fillon që nga A-ja”, – tha dje Halimi.
A i mbani mend premtimet e Lulit për sportin? Për investimet në terrene sportive dhe ndërtimin e të paktën një qendre sportive për çdo njësi bashkiake?
Siç e tha dhe vete Halimi, Luli jo vetëm që s’e ka mbajtur këtë premtim, por nuk e çoi dot as nga A-ja tek B-ja.
Premtoi çudira për sportin, por sot në fundin e mandatit të tij e ka katandisur dhe ekipin e Tiranës në ditë të hallit.”, tha Bushati.
Nga ana tjetër Bushati thotë se Basha po fshihet pas Halimit sepse i di mirë dështimet e tij. Basha fshihet si frikacak duke e ditur se humbja e 21 qershorit është e sigurtë për PD, e cila cilësohet nga Bushati si mashtruese.
“Lulzim Basha i di dështimet e tij më mirë se kushdo.
Prandaj zgjodhi të fshihet pas një kandidati si Halimi për t’i shpëtuar përballjes me votë në 21 qershor; Prandaj i shmanget qytetarëve të Tiranës tamam si një frikacak, ashtu siç i është shmangur si frikacak çdo përballje me dështimet dhe abuzimet e tij.
Vota e 21 qershorit do të jetë një mesazh i qartë për Lulin dhe Partinë Demokratike se qytetarët dinë t’i dallojnë mire mashtruesit.
Në 21 qershor qytetarët do të bëjnë zgjedhjen e drejte për ta çuar Tiranën dhe mbarë Shqipërinë në drejtimin e duhur.”, mbyll deklaratën e tij socialisti Bushati.
