Elton Çiço, i vrari mbrëmjen e së dielës në lokal “De Niro” në afërsi të stadiumit “Selman Stërmasi”, jepte para me fajde. Sipas hetuesve të çështjes, kjo është edhe pista e hetimit që tashmë i është shtuar motivit të ekzekutimit të 36-vjeçarit.
Burimet sqaruan se viktima paratë me fajde i jepte kryesisht te biznesmenët si dhe te persona të tjerë të veshur me pushtet. Elton Çiço ishte djali i Naim dhe Antoneta Çiços, të cilët u grabitën me dhunë në banesën e tyre në Tepelenë nga tre persona. Në atë kohë, policia lokale tha se shuma e grabitur ishte 5.000 euro, ndërsa u shpallën në kërkim shtetasit S.J. dhe A.J., banues në Durrës, si dhe Robert Rama, banues në Tiranë. Ky i fundit u vra nga dy persona ende të paidentifikuar në zonën e ish-Kënetës në Durrës, vetëm pak muaj pas grabitjes së ndodhur në Tepelenë. Sipas policisë, u raportua se në një makinë të braktisur vetëm pak metra larg banesës së dëmtuar u gjet një makinë e braktisur, dhe brenda saj çanta me dokumentet e Ramës.
BW/d.i.
