Një person i zhdukur në janar 1999 pas arrestimit nga serbët, Sejdi Thaçi, i ditëlindjes 1936, është kthyer para një jave në fshatin e tij, raporton Klan Kosova.
Familjarët kanë dëshmuar që gjendja shëndetësore e tij nuk është e mirë, ndërkohë që të gjkithë janë të tronditur.
Nipi i Sejdiut, thotw se xhaxhait i kujtohet vetëm arrestimi, edhe një tjetër i zhdukur ka vdekur para gjashtë muajsh.
Hysen Thaçi, djali i vëllait të Sejdiut, ka dhënë më shumë detaje lidhur me kthimin e xhaxhait të tij.
“Sejdiu është zhdukur më 6 janar 1999. Ai është marrë nga forcat serbe pas rastit Panda. Kemi kërkuar nga organizata të ndryshme për të, por nuk na është dhënë asnjë informacion. Për fat të mirë ai është kthyer gjallë, rreth orës 8:30”.
“Gjendja e tij nuk është aq e mirë, as ajo psikike, por as ajo fizike. Ai nuk ka njohuri për vendet ku ka qëndruar si i arrestuar. I kujtohet vetëm arrestimi. Ai nuk mundet të na tregojë, por e dimë që në Kosovë ka hyrë nga pjesa veriore. Sejdiu përmend edhe një person, edhe ai i arrestuar, për të cilin thotë se ka vdekur para pesë apo gjashtë muajsh”.
“Nuk kemi dashur që t’i lëndojmë familjarët e të pagjeturve, që ata të mbajnë shpresa që mund të ketë edhe të tjerë si Sejdiu”.
Insajderi.com
