168 raste të reja në vend, ja si paraqitet situata në dy spitalet COVID: 164 pacientë janë të shtruar dhe 5 në intubim

Ministria e Shëndetësisë  ka informuar se në 24 orët e fundit janë shënuar 4 viktima dhe 168 të infektuar me koronavirus, ndërkohë janë 102 të shëruar.

Shpërndarja gjeografike e rasteve pozitive për ditën e sotme është si vijon: 76 raste në Tiranë, 15 raste në Lezhë, 13 raste në Krujë, 7 raste në Korçë, 6 raste në Kavajë, 5 raste në Shkodër, Durrës, Kurbin, Lushnje, 4 raste në Fier, Elbasan, Berat, Gjirokastër, 2 raste në Vlorë, Kamëz, Selenicë, Klos dhe nga 1 rast në Devoll, Mirditë, Librazhd, Mat, Pogradec, Malësi e Madhe, Kolonjë.

Gjithashtu Ministria e Shëndetësisë informon se aktualisht në spitalin Infektiv dhe “Shefqet Ndroqi” po trajtohen 164 pacientë të konfirmuar pozitivë me COVID-19, 14 në terapi intensive nga të cilët 5 pacientë janë të intubuar.

/e.rr