Mats Hummels do të largohet nga Borussia Dortmund për t’u rikthyer te Bayern i Munihut.
Lajmin e ka dhënë e përditshmja Bild dhe më pas është konfirmuar edhe nga televizioni shtetëror gjerman, ARD.
Bayern do të paguajë 30 milionë euro për të marrë mbrojtësin e kombëtares, i cili do të firmosë për katër sezone.
Hummels, prodhim i akademisë bavareze, kaloi në huazim te Dortmund para se të blihej përfundimisht. Ai u betua se nuk do të kthehej më kurrë te Bayern, pasi klubi nuk i rinovoi kontratën të atit, i cili punonte me të rinjtë.
