Televizioni Publik Shqiptar nuk do ta transmetojë Europianin e Francës, ku do të marrë pjesë edhe Shqipëria.
Kjo është bërë e ditur nga ana e drejtorit Martin Leka, në emisionin “Të Paekspozuarit” në Ora News.
Megjithatë, ai është justifikuar, duke thënë se kjo gjë ka ndodhur edhe në vitet 2006 dhe 2008, kur TVSH nuk ka transmetuar kompeticionet e futbollit.
Leka tha se TVSH nuk mund të konkurronte me Digitalb, pasi ka ofruar dyfishin e çmimit për ta blerë atë.
Ndërkohë, shqiptarët vazhdojnë të paguajnë çdo muaj për TVSH-në, edhe pse shumica nuk e sheh asnjëherë dhe ngjarje të tilla sportive janë ndër të paktat që sigurojnë shikues për televizionin publik.
