Gary Lineker është emri më i madh që ka dalë nga Leicester City, por edhe skeptiku më i madh në momentin që skuadra e tij e zemrës mori trajnerin Claudio Ranieri. I pasuksesshëm me klubet, katastrofik me kombëtaren greke, me të cilën u mund dy herë nga Ishujt Faroe, trajneri italian i ka bërë të gjithë për vete në këtë sezon fantastik, ku skuadra e tij vrapon drejt titullit.
“Ranieri? Really?”, shkruante i zhgënjyer në Twitter Lineker, në momentin kur mësoi se italiani u emërua trajner i Leicester City. Në dhjetor përsëri mosbesues, aq sa u betua se do të dilte me brekë direkt në TV nëse Leicester fitonte titullin.
Tani është shumë pranë, pasi skuadra e Ranierit kryeson me shtatë pikë diferencë, kur janë për t’u luajtur edhe 5 ndeshjes.
“Thashë se do dal në TV me brekë dhe do ta bëj”, premton Lineker, duke pranuar: “Kur e thashë, nuk e besoja se do të ndodhte”.
