- Do të mendoni që shqetësimi më i madh për meshkujt është pagimi i faturave dhe puna. Por, duket që makthi më i keq i tyre është mundësia që partnerja e tyre të plaket krejt si nëna e vet.
Anketa ka zbuluar që çdo i dhjeti mashkull frikësohet nga kjo mundësi ngjethëse.
Meshkujt përveç kësaj shqetësohen që gjithmonë do të mbeten vetëm, si dhe të mos përfundojnë me femrën e cila në fakt nuk u intereson, ka zbuluar hulumtimi i kryer në 2000 vullnetarë.
Eksperti për marrëdhënie mashkull-femër, Jo Barnett, shpjegon: “Ekziston thënia që nëse dëshironi të dini se si do të duket e dashura juaj, njoftojeni nënën e saj, dhe kjo mund të jetë e vërtetë. Nëse dëshironi femër me trup vital, ndërsa nëna e saj është e trashë, ka shumë mundësi që edhe ajo të bëhet ashtu në të ardhmen. Por megjithatë, femrat sot i kushtojnë më shumë rëndësi vetes sesa gjeneratat e kaluara, kështu që nuk do të thotë që gjithmonë do të ndodhë kështu.”
Zëdhënësi i kompanisë së birrave “Foster’s”, i cili ka kryer hulumtimin shton: “Kjo tregon që meshkujt janë të ngarkuar për së tepërmi me femrat. Dëshirojmë t’i inkurajojmë të pranojnë qasje më të relaksuar dhe të shijojnë jetën.”
Anketa përveç kësaj ka treguar që meshkujt të cilët rriten me shumë motra nuk janë aq atraktivë për femrat sa ata që rriten me vëllezërit, transmeton koha.net. Arsyeja e kësaj është që ndoshta kanë dozë më të vogël të mashkulloritetit, për dallim nga ata që rriten në mjedis kryesisht mashkullor.
