Një ngjarje e rëndë ka ndodhur në Fier, ku një 32-vjeçar ka plagosur me thikë bashkëshorten e xhaxhait të tij.
Kjo e fundit ndodhet në spital, jashtë rrezikut për jetën.
“Rreth orës 09:20, në fshatin Zhupan, Fier, shtetasi A. N., 32 vjeç, ka goditur me mjet prerës (thikë), shtetasen F. N., rreth 70 vjeçe, e cila ndodhet në spital, për ndihmë mjekësore, jashtë rrezikut për jetën.
Shërbimet e Policisë kanë kapur dhe shoqëruar në Polici shtetasin A. N., dhe po kryhen veprimet e mëtejshme procedurale.
Grupi hetimor po punon për sqarimin e plotë të rrethanave të rastit”, sqaron policia.
