Njeriu për të cilin autoritetet amerikanë thonë se tentoi të vriste ish-presidentin, Donald Trump gjatë kohës kur ai po luante golf në fillim të këtij muaji në West Palm Beach, Florida, kishte lënë pas një letër.
Sipas asaj që thuhet në dosjen federale, del se 58-vjeçari kishte shkruar një letër para se të nisej për të vrarë Trumpin, ku rrëfente se ky ishte një atentat ndaj ish-presidenti, raporton CNN.
Një dëshmitar rrëfeu para hetuesve se 58-vjeçari, Ryan Wesley Routh kishte lënë një kuti në shtëpinë e tij muaj më parë. Pasi mësoi për atentatin e dukshëm, dëshmitari hapi kutinë dhe gjeti se në të kishte municion, një tub metalik, materiale të ndryshme ndërtimi, vegla, katër telefona dhe letra të ndryshme.
Në një nga letrat drejtuar “The World” thuhej: “Ky ishte një atentat ndaj Donald Trump, por unë dështova. Unë u përpoqa më së miri dhe i dhashë të gjithë guximin që mund të mblidhja. Tani ju takon të përfundoni punën; dhe unë do t’i ofroj 150,000 dollarë kujtdo që mund ta përfundojë punën. Trump i dha fund marrëdhënieve me Iranin si një fëmijë dhe tani Lindja e Mesme është shpërbërë.”
Kujtojmë se Routh, 58 vjeç, u akuzua për dy vepra me armë zjarri javën e kaluar pasi dyshohet se u arratis nga kursi ndërkombëtar i golfit Trump. Për këtë rast mund të ngrihen akuza më të rënda, ndërsa hetimet vazhdojnë.
Ai do të dalë në gjykatë të hënën për seancën e paraburgimit. Prokurorët thonë se një agjent i Shërbimit Sekret qëlloi mbi Routh pasi vuri re një pushkë që dilte nga rreshti i pemëve disa vrima përpara vendit ku Trump po luante golf më 15 shtator dhe se Routh u pa nga një dëshmitar duke ikur nga vendi i ngjarjes.
Ai u arrestua pasi forcat e rendit zbuluan makinën e tij duke ecur në një autostradë aty pranë.
Prokurorët thonë se Routh ishte në zonën e fushës së golfit të Trump dhe në rezidencën e ish-presidentit në Mar-a-Lago gjatë disa ditëve në muajin para se të arrestohej dhe kishte kërkuar në Google se si të udhëtonte nga Florida në Meksikë në një nga telefonat e tij.
Routh kishte gjithashtu një listë të shkruar me dorë të datave dhe vendeve ku Trump ishte ose pritej të shfaqej në zgjedhjet presidenciale të vitit 2024.
