Efektivë e policisë së Spanjës kanë goditur një bandë të prodhimit dhe trafikimit ndërkombëtar të lëndëve narkotike, ku në pranga kanë përfunduar 11 persona, ndër ta 3 shqiptarë. Nën sekuestro gjatë operacionit “Monteolivo” u kapën 150 kg marijuanë, më shumë se 36 mijë paund, 8 makina dhe një sërë pajimesh për prodhimin e drogës.
Njëri prej të dyshuarve u ndalua teksa udhëtonte me një furgon që e kishte marrë me qera, brenda të cilit u gjet 80 kilogramë marijuanë.
