Në kuadër të operacionit policor të koduar “Delivery 2” janë vënë në pranga 2 punonjës të një poste private në Tiranë, konkretisht 28-vjeçari me iniciale Xh.Z. dhe bashkëmoshatari tjetër i tij me iniciale F.B. Gjithashtu është shpallur në kërkim administratori i kësaj poste, 30-vjeçari me iniciale L.S.
Në rrugën “5 Maji”, gjatë kontrollit të magazinave të postës private, shërbimet e Policisë gjetën dhe sekuestruan në cilësinë e provës materiale, 204 pako me mallra të ndryshme, pa fatura tatimore shoqëruese apo deklarata doganore për origjinën e mallrave. Policia njofton se mallrat e kontrabanduara kishin vlerë prej 15 mijë Eurosh.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
/a.r