Arrihet kompromisi për Byrone Kombëtare të Hetimit. Ajo do të jetë në varësinë e Prokurorisë Speciale e cila nuk do ketë asnjë varësi nga Prokuroria e Përgjithshme. U deshën pak minuta nga nisja e mbledhjes së Komisionit të Posacëm Parlamentar për Reformën në Drejtësi që palët (Maxhoranca dhe opozita) të diskutonin dhe të binin dakort për një cështje të shumëdebatuar, sic ishte Byroja Kombëtare e Hetimit.
Komisioni për reformën është mbledhur për të gjetur zgjidhje ligjore në draft në bazë të opinionit përfundimtar të Komisionit të Venecias, por duket se këto elementë janë shmangur, pasi PD-ja kërkon që të diskutohet për Byronë dhe jo për gjetjet e bëra në draft nga Komisioni i Venenecias dhe më pas të shkruara në opinionin përfundimtar. Sipas PD-së Komisioni i Venecias ka rekomanduar që Byroja të jetë në varësi në Prokurorisë. Opozita i rikthehet sërish çështjes së Byrosë Kombëtare të Hetimit, duke kërkuar që ky institucion të jetë në varësi të Prokurorisë. Sipas opozitës, Byroja Kombëtare e Hetimit nuk mund të qëndrojë nën varësinë e Ministrisë së Brendshme.
Pas kësaj kërkese të opozitës, palët kanë rënë dakort që Byroja Kombëtare Hetimore të kalojë nën varësinë e Prokurorisë Speciale. Ky institucion nuk do kete asnje varesi nga Prokuroria e Pergjithshme. Por, kjo strukture do vendoset nen varesine e Keshillit te Larte te Prokurorise.
Mbledhja e Komisionit për reformën në drejtësi është mbyllur rreth orës 20:25 të mbrëmjes me rezultate pozitive. Sipas deputeti demokrat, Eduart Halimi janë arritur marrëveshje mes maxhorancës dhe opozitës për çështje teknike. Halimi i shpreh optimist se nëse vijohet kështu do të ketë dakordësi politike.
“Kemi arritur marrëveshje për çështje teknike. Nëse vijohet kështu ka mundësi për dakordësi politike. Nëse arrihet marrëveshja reforma vijon me ekspertët. Mbledhja e Komisionit vijon nesër në orën 10:30”, deklaroi ai.
BW
