Ka përfunduar sot shqyrtimi gjyqësor në Gjykatën e Krimeve të Rënda për të akuzuarit që dyshohet se kanë lidhje me terrorizmin dhe se kanë dërguar luftëtarë shqiptarë në shërbim të organizatës terroriste ISIS. Sërish ka qenë i pandehuri Gerti Pashja që në sallë ka deklaruar se procesi ndaj tyre është i manipuluar. “Duket qartë që është luftë ndaj myslimanëve, luftë ndaj Islamit”,- deklaroi ai. Gjykata rrëzoi kërkesën e avokatit të Orion Recit për pyetjen si dëshmitarë të Ilir Hoxhollit dhe Ilir Kullës, dy ish-drejtuesve të Komunitetit të Kulteve. Më 29 mars, Prokuroria për Krimet e Rënda do paraqesë pretencën, konkluzionet përfundimtare për dosjen ndaj xhihadistëve.
