Blerina Gjylameti anëtare e Kryesisë së PS-së ka folur sot përmes një lidhjeje Skype për Klan News sa i takon përgatitjes së kësaj force politike për zgjedhjet lokale të 14 Majit.
Gjylameti theksoi se janë konfirmuar ata kryebashkiakë që kanë pëlqimin më të madh të qytetarëve. Ndërsa për bashkitë për të cilat nuk është vendosur ende, ajo u shpreh se pas diskutimeve finale me 25 Mars, do të jepen dhe 61 emrat kryesorë që do kandidojnë.
“Ndryshe nga forcat e tjera politike, PS është duke funksionuar, ne terren duke dialoguar me qytetarët. Diku këtë, me atë që ka qenë llogaridhënia në mbledhjet e përbashkëta me 61 kryetarët e bashkive dhe po ashtu me qeverisjen vendore, në bazë të projekteve që kanë qenë në zbatim të premtimeve të dhëna apo programeve elektorale të zgjedhjeve lokale të 2019-ës. Më pas ka pasur një takim të dytë që ka qenë llogaridhënia e kryebashkiakëve me qytetarët dhe po ashtu ndryshimi rrënjësor që kanë pësuar 61 bashkitë e vendit.
Në të gjitha ato bashki ku kryebashkiakët aktualë kanë dakordësinë e të gjitha këtyre hallkave që përmendëm dhe qytetarët i mbështesin, ne i kemi konfirmuar këta kryebashkiakë. Në rastet konkrete, ka disa bashki që pritet të konfirmohen, siç është përshembull Vlora.
Diskutime me emra konkretë për të parë se kush do tëjetë kandidati më i mirrë përfaqësues për qytetarët. Drejtuesit tanë politikë në qarqet e vendit kanë përgjegjësinë të japin propozimet e tyre dhe më pas të miratohen prej Kryesisë së Partisë Socialiste. Zoti Llatja është konfirmuar tashmë, sikurse janë konfirmuar një sërë kryetarë bashkish të tjera. Besoj nuk janë dhe shumë ditë për të pritur zyrtarizmin e 61 kandidatëve.
Kemi diskutuar për emra të caktuar, punën që kryhet apo mbështetjen që kanë presim javët e ardhshme, me mbledhjen e Kryesisë me 25 Mars ku do bëhen diskutimet përfundimtare dhe më pas për të dalë me 61 emrat kryesorë”, u shpreh Gjylameti.
/a.r
