Inspektoriati i Lartë i Deklarimit dhe Kontrollit të Pasurisë dhe konfliktit te interest ka kallëzuar në prokurori 14 gjyqtarë për akuzat e pastrimit të parave, fshehje të pasurisë dhe falsifikim të dokumenteve.
Burimet pranë Ambasadës amerikane, i thanë ABC News se në listën e zezë të gjyqtarëve që iu është anuluar viza amerikane janë edhe emrat e 14 gjyqtarëve të kallëzuar nga ILDKPKI-ja. Kallëzime këto që janë hetuar ose janë në hetim nga organi I akuzës.
Burimet thonë se pavarësisht që prokuroria mund të ketë pushuar çështjen ndaj këtyre gjyqtarëve, emrat e tyre nuk janë përjashtuar nga lista e zezë e refuzimit dhe anulimit të vizave amerikane.
Përveç këtyre emrave të kallëzuar nga ILDKPKI burimet thonë se janë edhe emra të tjerë të gjyqtarëve, që ambasada ka krijuar bindjen se janë të korruptuar. Pak ditë më parë, ambasadori amerikan Donald Lu tha se të gjithë gjyqtarëve të korruptuar iu është refuzuar dhe anuluar viza amerikane.
