Delegatët e UEFA-s kanë vendosur se ndeshja Shqipëri-Maqedoni do të zhvillohet të martën në orën 14:00. Ndeshja mes Shqipërisë dhe Maqedonisë është ndërprerë në minutën e 75-të, për shkak të reshjeve të mëdha të shiut.
Rezultati i takimit ishte i barabartë 1:1, me golat e shënuar nga Armand Sadiku (10) dhe Ezgjan Alioski (51). Por problemi është se Shqipëria, minutat e mbetura ndaj Maqedonisë do t’i luajë me 10 lojtarë, pasi Gjimshiti është dëmtuar.
Sipas “Super Sport”, mbrojtësi ka pësuar një dëmtim të rëndë dhe rrezikon seriozisht që të jetë në gjendje për të luajtur 15 minutat e mbetura të takimit.
Në një rast të tillë, kombëtarja kuqezi do të duhet të luante me 10 lojtarë pasi trajneri De Biasi i ka kryer të 3 zëvendësimet e lejuara. (b.an)
