UEFA ka bërë të ditur se më 3 maj do të vendoset lidhur me kërkesën e Federatës së Futbollit të Kosovës për anëtarësim.
Duke u shprehur për këtë çështje, drejtori juridik i UEFA-s, Alastair Bell, në konferencën e sotme për shtyp në Nion të Zvicrës, tha:
“Ne e marrim në konsideratë që Kosova ka të drejtë të bëhet anëtare e UEFA-s, por kjo çështje duhet të vendoset nga anëtarët. Pra u takon 54 federatave kombëtare të UEFA-s të vendosin nëse dëshirojnë që Kosova të bëhet anëtare ose jo”.
Nëse pranohet anëtare e 55-të e UEFA-s, atëherë FFK do të kërkojë anëtarësim edhe në FIFA në maj.
