Presidenti i ri i Kosovës, Hashim Thaçi, pohon se ka zhvilluar një bisedë telefonike me zëvendësndihmësin e Sekretarit Amerikan të Shtetit për Europën dhe Euroazinë, Hoyt Brian Yee, i cili e uroi për zgjedhjen president i vendit dhe biseduan për stabilitetin politik.
Presideti i ri i Kosovës Thaçi nëpërmjet një postimi në statusin e tij social Facebook në mbrëmjen e të henës shprehet: “Sapo zhvillova një bisedë telefonike me zëvendësndihmësin e Sekretarit Amerikan të Shtetit për Europën dhe Euroazinë, Hoyt Brian Yee, i cili më uroi për zgjedhjen president i vendit. Së bashku biseduam për nevojën e stabilitetit institucional, dialogun e brendshëm politik dhe të jashtëm për normalizimin e raporteve me Serbinë, si dhe për thellimin e reformave në ekonomi dhe drejtësi”.
“Zotit Yee i konfirmova përmbylljen e themelimit të Gjykatës Speciale dhe shpreha zotimin tim se Kosova do të vazhdojë t’i thellojë raportet e shkëlqyera me Shtetet e Bashkuara të Amerikës. Ne do të vazhdojmë të punojmë me të gjithë partnerët perëndimorë për anëtarësimin në NATO, për liberalizimin e vizave dhe implementimin e plotë të axhendës europiane. HTH”, shkruan Thaçi.
