Media kroate ka zbuluar një lajm që duket në kufijtë e absurdit. Sipas tij, Rusia ka ndërmarrë një veprim të fshehtë, për siç thuhet, të paktën, për të tërhequr përkohësisht kriminelin e luftës, gjeneralin Ratko Mladiq nga Burgu i Sheveningenit, dhe për ta dërguar atë për mjekim në Moskë. “Jutarnji list” mbështetet në një shkrim të ruses “Istina”.
Në fakt, ka vend për spekulim pasi kohët e fundit, për të vizituar Ratko Mladiçin në Hagë ishin akademikja e Akademisë ruse të Shkencave dhe e famshmja lobiste proserbe, Jelena Guskova, si dhe anëtari i Dumës ruse, Pavel Dorohin, i cili kryeson Komitetin rus për Mbrojtjen e Mladiçit. Ata, siç shkruajnë mediat ruse, me udhëheqësit e Gjyqit të Hagës, kanë biseduar që në Holandë, diku në mes të qershorit, të udhëtojnë një grup i mjekëve rusë të cilët do të shikonin gjendjen shëndetësore të Mladiçit dhe do të përgatisnin që, më së voni në gusht, ta marrin atë në Moskë për mjekim.
Raportohet se mediat ruse shkruajnë se Ratko Mladiç është rëndë i sëmurë, siç ishin edhe Goran Haxhiq dhe Vojisllav Sheshel, përkatësisht thuhet se edhe ky vuan nga një kancer në fazën terminale. Gjykimi i Rakto Mladiçit tanimë disa herë është ndërprerë për shkak të gjendjes së rëndë shëndetësore të tij.
