Me një shpejtësi të madhe dhe efikasitet shqetësues, në 2016 dhe 2017, një grup grabitësish u përhapën në shtëpitë e pasura në Kopenhagë.
Ndryshe nga sa ndodhte vazhdimisht me shumë vjedhës, hajdutët ishin shumë të rrezikshëm.
Ata arrinin të shmangnin sistemin e alarmit, duke u ngjitur në çati nëpërmjet tubave të kullimit dhe nëpërmjet dritareve të pasme të katit të dytë.
Në këtë mënyrë, grabiteshin sendet me vlerë brenda vilave pa u shqetësuar, veçanërisht në zonën e Gentofte.
Vetëm nën një vjedhje të vetme në Charlottenlund, fitimi kapte një vlerë prej 1.1 milion kroner (rreth 120 mijë euro).
Fillimisht, gjurmët për grabitësit ishin të vështira për t’u zbuluar, por në tetor 2018, gjithçka nisi mbarë për hetuesit.
Vjedhësit gjithnjë e më shumë u lidhën së bashku, dhe në fillim të 9 nëntorit 2017, 12 shqiptarë u arrestuan në një hotel në Kopenhagë.
Vetëm një vit më vonë, burrat në Kopenhagë u dënuan pasi u faktua se ata qëndronin prapa 71 grabitjeve.
Hetimi ka zbuluar gjithashtu se autorët nëpërmjet Western Union kishin transferuar 700,000 kroner (rreth 93 mijë euro) nga Danimarka në Shqipëri.
Kështu, tre të pandehur dënohet me nga 4 vite burg, ndërsa 6 të tjerë, me nga 3 vite burgim. Në dy raste, respektivisht dënimi është tre vjet dhe gjashtë muaj dhe tre vjet dhe nëntë muaj.
Vetëm një nga të pandehurit është liruar menjëherë nga qelitë, pasi ka shlyer dënimin prej 1 vit e gjysmë për shkak të qëndrimit në qelitë e paraburgimit.
Mediat vendase shkruajnë se të gjithë personat e dënuar janë me origjinë nga i njëjti qytet në Shqipëri.
Sipas prokurorit, rrethanat kanë vërtetuar se të dënuarit e njihnin mirë njëri tjetrin dhe vepronin si njësi.
Gjatë këtij rasti, shumica e tyre kanë mohuar akuzat. Një prej tyre ka paraqitur një biletë, sipas të cilit erdhi në Danimarkë dy ditë para se të arrestohej, ndaj edhe është liruar nga qelitë.
Përveç burgosjes, të gjithë ata i pret dëbimi. 11 të pandehurit nuk do të mund të kthehen kurrë më në Danimarkë./oranews
a.ç
