Kryeministri Edi Rama ka vizituar mëngjesin e të hënës zonat e dëmtuara nga përmbytjet. Rama ka mbërritur në Ferras të Fierit, ku dalja nga shtrati i lumit Vjosa shkaktoi përmbytje dhe dëme të konsiderueshme për banorët e zonës.
Rama është parë krah kryebashkiakut të Fierit Armando Subashi.
Ndërkohë, kryeplaku Zani Hyka është shprehur për mediat shtëpi të përmbytura mund të jenë 12 ndërsa shton se dëmi i bërë është kolosal.
Sipas tij, banorët e rrezikuar u larguan nga banesat me ndihmën e ushtrisë kurse pati edhe nga ata që përfunduan në spital.
“Në zonën e fshatit janë bërë dëme kolosale. Sipas atyre që unë parashikoj, probleme me përmbytjen ka zona që është në krahun e lumit. Si shtëpi mund të jenë 10-12 shtëpi të përmbytura. Ka dhe nga ato që kanë bagëti dhe i kanë marrë masat”, ka thene Hyka.
Nga raportimet, sot niveli i lumit Vjosa ka rënë, por janë dhjetëra hektarë tokë bujqësore që ndodhen ende nën ujë dhe banorët kanë apeluar për ndihmë.
Në terren ndodhen edhe forcat e Armatosura të Ushtrisë të cilat po i vijnë në ndihmë banorëve të prekur nga përmbytjet.
