Komisioni i Pavarur i Kualifikimit ka bërë bilancin e vendimeve të marra që prej nisjes, 8 shkurt 2018 e deri më 31 mars. Sipas KPK, nuk kanë kaluar filtrat e vettingut 117 gjyqtarë dhe 70 prokurorë. Janë dhënë 199 vendime për konfirmimin në detyrë të 103 gjyqtarëve, 84 prokurorëve, 2 ish-inspektorë të KLD, kandidatë për gjykatë apeli, 1 inspektore e komanduar në ILD dhe 9 ndihmës/këshilltarë ligjorë.
Po ashtu, KPK ka dhënë 78 vendime për ndërprerje të procesit për 48 gjyqtarë, 21 prokurorë, 2 ish-inspektorë në KLD dhe 7 ndihmësve ligjorë.
8 vendime kanë qenë për pushimin e procesit për 3 gjyqtarë, 1 prokuror dhe 4 ndihmës ligjorë në Gjykatën e Lartë. 35 vendime janë dhënë për përfundimin e procesit për 22 gjyqtarë, 11 prokurorë dhe ish-Kryeinspektori i KLD-së dhe 1 ish-Inspektori i ILD dhe 2 vendime për pezullimin nga detyra të 2 prokurorëve.
Afati i KPK ishte 5 vite, për shqyrtimin e figurës së afro 800 subjekteve, gjë që nuk u arrit në kohë. Për këtë arsye, me iniciativë të maxhorancës, deputetët votuan në Kuvend pro shtyrjes së afateve të vettingut deri më 31 dhjetor 2024.
g.kosovari
