Mijëra rusë po përpiqen të shmangin rekrutimin në ushtrinë e tyre duke ikur në SHBA përmes Meksikës për të kërkuar azil. Shumë prej tyre kanë frikë se pushtimi rus i Ukrainës do të bëjë që Putini t’i detyrojë të futen në radhët e ushtrisë.
Ukraina nga ana e saj i ka ndaluar tashmë burrat e moshës 18 deri në 60 vjeç të largohen nga vendi në përpjekje për të garantuar ‘mbrojtjen dhe organizimin e mobilizimit në kohë’. Duke parë këtë situatë rusët po larohet për në SHBA, përpara se edhe Moska të bëjë një gjë të tillë.
Dmitry Politov, 29 vjeç, nga Moska, mbështeti Navalny dhe iku në SHBA nga Rusia për të kërkuar azil politik. 467 rusë janë ndaluar në kufirin SHBA-Meksikë në vitin 2020, por pas arrestimit të disidentit rus Alexei Navalny, kjo shifër u rrit në 9,376 për vitin 2021. Ekaterina Mouratova, një avokate ruso-amerikane e imigracionit me bazë në Majemi, tha se numri i rusëve që kërkojnë azil do të rritet.
“Nuk kemi qenë kurrë kaq të zënë”, tha ajo për Telegrafin . “Kam marrë mijëra email në ditët e fundit – “Ata janë kryesisht midis moshës 20 dhe 55 vjeç, të cilët po pyesin nëse mund të kenë mbrojtje nga SHBA nëse Rusia i urdhëron që të bëhen me detyrim pjesë e ushtrisë. Këtë vit shifrat po vazhdojnë të rriten. Vetëm muajin e kaluar 1028 rusë u përpoqën të kalonin kufirin.
