Pas takimit për të zhvilluar një intervistë të jashtëzakonshme me bosin e drogës El Chapo, aktori i famshëm amerikan Sean Penn, është nën hetimet e policisë.
Ky takim interesant në mes dy personazheve të famshëm, u mbajt në xhunglën e Meksikës gjatë muajit tetor, dhe u organizua nga Penn.
El Chapo gjatë kësaj interviste e ka pranuar se ishte trafikanti më i madh i drogës në botë dhe po ashtu tha se kishte dërguar inxhinierë në Gjermani, për të mësuar se si ndërtohet një tunel që e shpëton atë nga burgu i sigurisë së lartë.
Penn ka thënë se takimi me El Chapon, ishte vështirë të organizohej dhe se intervista kishte zgjatur plot 7-të orë, shkruan Daily Mail.
El Chapo, bosi më i madh i karteleve të drogës në botë, është kapur nga policia të premten në orët e para të mëngjesit, dhe është rikthyer në burgun e Altiplanos.
Fituesi i dyfishtë i çmimit Oscar, Sean Penn, është nën hetimet e policisë së Meksikës.
