Përplas me makinën e vjedhur katër policë italianë dhe i kërcënon se do t’i vrasë nëse e kapin, por pas ‘aventurës’ përfundoi në pranga. Makina e shqiptarit, pasi ka perplasur ate te policise Mediat italiane duke iu referuar policisë raportojnë se në pranga ka rënë 26vjecari shqiptar me iniciale K.S, etiketuar si “bossi shqiptar”, me një sërë precedentësh të mëparshëm penalë. GJithçka ka nisur pas një dyshimi të policisë jashtë një klubi nate në Ponte San Giovanni për një person me makinë të vjedhur raporton Panorama.
Por, kur shqiptari e vuri dje ndjekjen e policisë, futi marshin indietro, shtoi shpejtësinë dhe përplasi me forcë makinën e policisë, duke i lënë të plagosur policët. Nuk u mjaftua me kaq, ai edhe i ka kundërshtuar me shkelma e grushte, në tentativë për t’u larguar.
“I riu kërcënoi duke I thënë policëve se kishte pistoletë me vete dhe ishte gati t’i vriste” raportojnë mediat italiane. Policët e plagosur u dërguan në spital, ndërkohë që shqiptari u arrestua nga kolegët e të plagosurve, që iu vunë në ndjekje.
Protagonisti
Shqiptari i arrestuar nuk ka qenë i panjohur për drejtësinë italiane. K.S ka qenë disa herë nën hetim, emigrant I paligjshëm në Itali, pa banesë fikse, përdorte disa emra të ndryshëm, i arrestuar për tentativë vrasjeje, kërcënime e një sërë veprash të tjera penale.
Makina, pasi u sekuestrua do t’i kthehet pronarit. Precedentët që i numëron atij policia italianë janë të shumta, të gjitha të kryera mes Peruxhas dhe Castellos.
