Ministri i Transporteve dhe Infrastrukturës, Edmond Haxhinasto, ka inspektuar rrugën Elbasan-Librazhd, pas situatës së krijuar si pasojë e reshjeve të dendura të shiut dy ditë më parë.
Për shkak të rrjedhës së rrëmbyer të ujit të lumit Shkumbin u shemb një pjesë e rrugës Elbasan-Librazhd, duke penguar qarkullimin e mjeteve.
Sipas ministrit Haxhinasto, ky fakt tregon për cilësinë e dobët të punimeve për ndërtimin e rrugës.
“Doli në pah cilësia e dobët e punimeve. Do të hetohet për këtë fakt, dhe do të presim mendimin e ekspertëve. Do të kryejmë hetime për të nxjerrë përgjegjësitë, si dhe do të kryhet një ndërhyrje për të rregulluar këtë dëmtim”, tha ministri Haxhinasto.
Reshjet e dendura të shiut gjatë dy ditëve më parë shkaktuan përmbytje të mëdha në mbarë vendin.
BW
