Pesë mijë efektivë policie janë në gadishmëri për të siguruar rend dhe qetësi në festën e ndërrimit të viteve në të gjithë vëndit. Në një intervistë për ReportTv drejtori i Sigurisë Publike Gjovalin Loka kërkon nga qytetarët të bëjnë kujdes me fishekzjarret dhe përdorimin e pijeve alkolike.
“Kuptohet që ne nuk do t’ua heqim kënaqësinë shqiptarëve që në momentin e fundit ashtu si gjithë botën do të përdorin fishekzjarret, por absolutisht do të bëjë kujdes dhe thirrje për të gjithë qytetarët në mënyrë absolute mos të lënë fëmijët të përdorin fishekzjarret. Drejtuesit e mjeteve të bëjnë kujdes absolutisht me përdorimin e pijeve alkoolike. Këshillojmë përdorimin e mjeteve të transportit publik”, – shprehet Loka.
Ndalur te siguria në akset rrugore Loka sqaron se për herë të parë në rrugët nacionale janë vendosur patrullat operacionale për të parandaluar ngjarjet kriminale përfshi dhe grabitjet.
“Që nga data 21/12/2015 deri në datën 5 janar 2016 në dispozicion të drejtorive të policisë së qarqeve kryesisht në rrugën e kombit dhe në akset kryesore nacionale janë vënë në dispozicion forca levizje operacionale të cilët patrullojnë në akset rrugore qoftë për parandalimin e aksidenteve të mundshme rrugore që mund të ndodhin ashtu edhe të ngjarjeve të mundshme kriminale grabitje siç ka pas vitet e mëparshme”, – thotë drejtori i Sigurisë Publike.
Deri më 5 Janar 12 drejtorit e policisë në qarqe do të operaojnë me planin e masave të gadishmërisë, ndërsa efektivë shtesë ka dhe në pikat e kalimit kufitar për të shmangur rradhët e emigrantëve që vijnë për të festuar në atdhe.
