Le Monde raporton bazuar në të dhënat e fundit hetimore se sulmet ishin të kordinuara nga distanca përmes telefonave, ndërkohë që ishin aktivizuar sulmuesit në terren.
Hetuesit janë të bindur se e gjitha ishte me një ‘regji’ belge e koordinuar mirë; ndërkohë që me gjasë më shumë se një person nuk është identifikuar fare.
Sipas hetimeve ka shumë mundësi që të jetë pikërisht ky që ka dhënë urdhër përmes celularit, edhe ndërkohë që kishin nisur sulmet.
Rindërtimi i ngjarjeve nga hetuesit është bërë pasi është zbuluar një celular Samsung, i cili u gjet në një kazan mbeturinash, pranë teatrit Bataclan, që nuk ka më dyshim se është përdorur nga njëri prej terroristëve. Ajo që tashmë dihet, pas kqyrjes së celularit është një mesazh në orën 21:42, pak para sulmit.
Nga celulari është dërguar një mesazh: “ Nisi, të fillojmë” dhe pranuesi i mesazhit ishte një kontakt në Belgjikë.
Telefoni u aktivizua në 22:24, shkruan “Le Monde” dhe u çaktivizua menjëherë pas ardhjes së mesazhit.
Ndërmjet kohës së aktivizimit dhe çaktivizimit në këtë linjë u shkëmbyen 25 SMS me tekst. Numri ka qenë në kontakt gjatë natës me Abdelhamid Abaaoud, që cilësohet si një nga koordinatoret e sulmeve.
