Machester United dhe Chelsea janë ndarë në barazim në ndeshjen e xhiros së 19-të të Premier League.
United ka barazuar pa gola para shikuesve të vetë në stadiumin Old Trafford ndaj Chelseas, e cila gjë ka bërë që të luhatet edhe më tej pozita e trajnerit të Manchesterit, Louis van Gaal.
Megjithëse te dyja skuadrat kishin raste për shënim, pjesa e parë përfundoi pa gola, kjo në saje të mbrojtjeve të mira të portierëve të skuadrave respektive. Skuadra vendase goditi dy herë shtyllën e miqve dhe ekipi i Guus Hiddink shpëtoi në saje të portierit fantastik, Thibaut Courtois.
Fillimisht, në minutën e tretë Juan Mata goditi shtyllën e portierit të Chelseat, Courtois. Më pas, shtyllën e portierit belg e goditi edhe Anthnoy Martial, përkatësisht vertikalen në minutën e 17-të të takimit.
Gjatë pjesës së dytë, Djajtë e Kuq dhe The Blues kishin nga një rast që vlen të theksohet.
Në minutën e 55-të takimit, topin e mesfushorit Andre Herrera nga vija e portës e largoi portieri, Courtois.
Në anën tjetër, Chelsea kishte rastin më ideal në ndeshje në minutën e 61-të të ballafaqimit, kur mesfushori serb, Nemanja Matic i vetëm para portierit David de Gea e goditi topin mjaft keq duke e dërguar lartë portës.
Gjatë minutave në vazhdim, ndeshja pothuajse u zhvillua në mesfushë, pa shumë raste.
Pas kësaj ndeshje, Manchester United mbetet në pozitën e gjashtë me 30 pikë, ndërsa Chelsea zë vendin e 14-të me 20 pikë të fituara pas 19 xhirove të zhvilluara deri më tani në ligën elitare angleze.
