Rreth 315 anëtarë të rinj i shtohen Partisë Demokratike nga emigrantët të cilët prej vitesh jetojnë e punojnë në Britani të Madhe. Në një takim ku merrnin pjesë mbi 150 shtetas shqiptar, simpatizantë të PD-së në Londër u mblodhën së bashku duke diskutuar për kontributin dhe mbështetjen që mund të japin për partinë më të madhe opozitare.
Nga ky takim u bë e mundur ngritja e strukturave bazë të PD dhe mbledhja e databazave. Në fjalën hapse kryetari i Forumit të Shoqatave Shqiptare në Britani të Madhe, Lutfi Vata, theksoi se ky është një moment i rëndësishëm për të gjithë ne dhe për Partinë Demokratike që ngre strukturat e saj në Londër.
“PD është një parti me vlera, parti e cila nuk blen vota por ajo është partia e cila respekton votën e lirë”, tha ai. Me tej, takimi vazhdoi ku fjalën e mori i ngarkuari me punë i Partisë Demokratike Shkelzen Hasanaj për ngritjen e strukturave të ksaj partie në Britani. Hasanaj shprehu përshëndetjet e përzemërta për të gjithë antarët nga kryetari i PD, Lulzim Basha si dhe theksoi rëndësinë e madhe që ka ngritja e këtyre strukturave të PD në Mbretërinë e Bashkuar.
Në këtë takim merrnin pjesë edhe disa nga studentët e dhjetorit ‘90 ku një prej tyre ishte Artur Alia i cili u shpreh se kjo mbledhje është shumë e vonuar pasi strukturat e PD duhettë ishin ngritur vite më parë. 315 antarësimet e raja erdhën si rezultat i punës së bërë nga i ngarkuari i Partisë Dekokratike Shkelzen Hasanaj, dhe grupit të punës i përbërë nga Lutfi Vata, Elenica Mishto, biznesmenë dhe anëtarë të PD që nga viti 1991, Naim Hasani, gazetari Kreshnik Zeqaj, të cilët bënë të mundur. Shqiptarja.com
