‘HI-SEAS project’ është një grup i financuar nga NASA për të bërë kërkime rreth kushteve të jetës në planetin e Marsit.
Grupi ka filluar të bëjë prova të ndryshme për të trajnuar njerëzit me kushtet që do duhej të përdoreshin në Mars, nësë ndonjëherë të zbulohej se atje është e mundshme jetesa e njeriut, transmeton ORAinfo.
Këto prova po bëhen në Mauna Loa, një vend vullkanik në Hawaii. Christiane Heinicke, është një fizikante dhe inxhiniere gjermane e cila po i udhëheq këto punime.
Ajo së bashku me gjashtë persona të tjerë, kanë marrë më vete shumë pak gjëra por që secila nga to e ka funksionin e saj.
Qëllimi i këtij trajnimi është që të zbulohen mënyra të reja se si një njeri do të mund të mbijetonte në ‘Planetin e Kuq’.
Christiane ka formuluar disa hapa bazë rreth një jetese të mundshme në Mars.
USHQIMI QË DUHET TË KONSUMOHET NË MARS:
Gati të gjitha ushqimet që njeriu i ha edhe në Tokë. Të gjitha produktet që ekipi i ka marrë në këtë ‘terren sprovues’ në Hawaii janë ushqime të përditshme, fruta, djath, vezë, qumësht etj.
KOMUNIKIMI, INTERNETI
Interneti në Mars normalisht se nuk është aq i shpejtë sa është në Tokë. Por është i mundshëm. Atje mund të përdorim Skype, kërkim në internet si psh. Google, por mënyra më e mirë për komunikim nga Marsi është shkëmbimi i letrave përmes e-mail’it. Ne këto e-mail’a mund të bashkangjitni edhe video që i keni bërë në Mars dhe ti dërgoni.
KOHA E LIRË, HOBI
Grupi i kërkimit ‘HI-SEAS’, në krahasim me jetën që e kanë bërë në shtëpi, kanë kohë shumë më shumë tani që janë në Hawaii. Por kjo nuk do të thotë që të sillen vërdallë pa bërë gjë. Ata po e kalojnë qdo minutë duke u munduar të gjejnë mënyra të reja se qka do të ishte e domosdoshme për një jetë praktike në Mars.
PËRBALLË PYETJES: A DO TË SHKONIT NJËMEND NË MARS? (udhëtimi është organizuar nga NASA për vitin 2025)
Fizikantët kanë thënë se ndihen në dyshim për udhëtim të mundshëm në Mars. Kjo sepse udhëtime të tilla zakonisht nuk premtojnë një rrugë kthyese për në Tokë. Por një udhëtim i tillë do të ketë goxha kohë për të ndodhur kështu që deri atëherë, grupi ‘HI-SEAS’ kanë thënë se nuk do të pushojnë së punuari për të avancuar punimet për të ardhmen dhe për gjeneratat që do vijnë.
