Lajmi për marrjen e një hapësire prej 80 ha tokë nga vëllai i deputetit sociliast Parid Cara, me qëllim ndërtimin e një varreze private solli reagime të shumta që e akuzonin atë për fovorizim nga qeveria.
Por, pak orë pasi në media qarkullonte lajmi për vendimine qeverisë, vëllai i deputetit zgjodhi të tërhiqet nga kjo sipërmarrje.
Besim Vara deklaron në një reagim të shpërndarë për mediat se kompania e tij ka eksperiencë të gjatë në këtë fushë, së bashku me ortakët e tjerë.
Ai shton se trualli i vënë në dispozicion nga qeveria nuk i’u fal nga Edi Rama, por u lëshua ligjërisht për të ofruar një shërim dinjitoz.
“Nëse për mediat shqiptare jam fajtor qe im vëlla është deputet, kjo nuk me bën fajtor mua po tregon mentalitetin e tyre. Ne këtë jetë askush nuk me ka dhuruar asgjë dhe toka ne fjale nuk është dhurate për mua, por një truall i vënë në dispozicion ligjërisht nga qeveria (jo nga Edi Rama) per te investuar për një shërbim dinjitoz qe njerëzve sot ne Shqipëri u mungon totalisht. Ndërkohe që të vdekurit sot në vendin tonë varrosen njëri mbi tjetrin dhe te gjesh një varr është bërë si të gjesh flori, politika megjithë media nuk lënë ide biznesi dhe biznesmen të suksesshem pa u munduar ta varrosin per se gjalli” – shkruan Cara. Prandaj me keqardhje i kam lajmëruar menjëherë ortaket e mi se do te tërhiqem menjëherë bashke me kuotat e mia dhe i kam sugjeruar te tërhiqen edhe ata. Sepse te investosh ne Shqiperi duhet te përballesh jo vetëm me sfidën si investitor po edhe me stresin e tepër psikologjik mbi gjithë familjen, përderisa kush shpif me paratë e popullit quhet politikan apo gazetar dhe kush investon paratë e veta quhet keqbërës dhe hajdut. I pafte hajrin ai popull njerëzve qe i tregojnë përralla me gogolë!”, thuhet në reagimin e Besim Carës, vëllait të deputetit socialist.
