Deputeti i Partisë Socialiste Alfred Peza nuk gjen asgjë të përbashkët tek protesta e 21 Janarit 2011 dhe ajo e zhvilluar në 8 Dhjetor 2015. Gjatë një interviste dhënë për emisionin Oktapod të Turjan Hyskës, Peza u shpreh se është e pamundur të të krahasosh Borëbardhën me Shtrigën.
Deputeti socialist e konsideroi të dhunshme protestën e 8 dhjetorit 2015 të organizuar nga Partia Demokratike, duke vënë në dukje se në të nuk ishin më shumë se 15 mijë vetë. Sipas tij, shtrirja e pjesmarrësve nga kryeministria e deri tek Ura e Lanës, përfshin një sipërfaqe prej rreth 11 mijë metrash katrorë.
E duike llogaritur pak më shumë se 1 person për metër katror, del se në miting nuk ishin më shumë se 15 mijë vetë. Peza e konsideron përtej pritshmërive performancën e Edi Ramës në krye të qeverisë, ndërsa për Ben Blushin, u shpreh se ai cdo ankesë e zhvillon jashtë forumeve të PS, por në Parlament, nuk voton kurrë kundër PS. Si nënkryetar i Komisionit Parlamentar të Mediave, Peza njoftoi se procedura për zgjedhjen e kreut të ri të Radio televizionit Shqiptar ka ndryshuar, cka do të sjellë, sipas tij, që brenda janarit ose maksimumi në shkurt, do të zgjidhet kreu i ri i RTVSH-së.
