Presidenti i Shqipërisë Ilir Meta ka marrë pjesë në festimet e 10-vjetorit të Pavarësisë së Kosovës, si dhe në seancën solemne të Kuvendit me këtë rast.
Por kështu Kreu i Shtetit shqitpar ka marrë pjesë në ceremoninë e paradës së Forcave të Sigurisë së Kosovës, si dhe ka zhvilluar takime me Presidentin Thaçi, kryeministrin Ramush Haradinaj, kryetarin e Kuvendit, Kadri Veseli, dhe personalitete nga të gjitha trevat shqiptare.
Pas këtyre aktiviteteve, Pesidenti Meta ka zhvilluar një takim kongresmenin amerikan Eliot Engel, si dhe me dhjetëra qytetarë e banorë të Prishtinës, të cilët i ka uruar për 10-Vjetorin e Pavaresisë së Kosovës.
Teksa ka përcjellë në rrjetin social “Facebook” disa foto nga këto takime, presidenti Meta shkruan: “Një ditë e mrekullueshme sot në Prishtinë”.
Gjatë vizitës në Prishtinë në kuadër të 10 vjetorit të Pavarësisë së Kosovës, Kreu i shtetit shqiptar, Ilir Meta është takuar më një sërë personalitetesh të njohur si ish-kryeministrin e Turqisë, Ahmet Davutogllu ish-kryeadministratorin e parë të Kosovës, Bernard Kushner.
Po ashtu Presidenti Meta është takuar edhe me kryetarin e Parlamentit te Maqedonise, Talat Xhaferri.
Ilir Meta u takua edhe me përfaqësues të shumtë të diasporës shqiptare në SHBA dhe Europë.
(Balkanweb)
