Kosova ka raportuar 10 humbje jete nga koronavirusi në 24 orët e fundit. Sikurse bëhet me dije nga Instituti i Shëndetit Publik, mes viktimave është dhe një 29-vjeçar.
Ndërkaq, nga 1903 testime janë raportuar 311 raste pozitive. Pjesa më e madhe prej tyre u identifikuan në Prishtinë (84 raste), e ndjekur nga Prizreni me (83).
Që nga nisja e pandemisë në Kosovë janë regjistruar më shumë se 58 mijë raste, prej të cilave 5852 janë ende aktive.
Gjatë 24 orëve të fundit, janë shëruar 128 pacientë ndërsa numri i përgjithshëm i të shëruarve deri më sot është gjithsej 51081 raste.
/a.r
