Premierliga po kalon momente të vështira vështira në garat evropiane, por kampionati i saj është shumë interesant. Ky edicion i Premierligës do të mbahet mend gjatë, pasi është një nga edicionet më të çuditshme jo vetëm në histori të Anglisë, por edhe Evropës.
Skuadrat tradicionalisht të mëdha, e të cilat janë renditur në pozitat e para si Chelsea, United, Arsenal e Liverpool po kanë probleme të mëdha, ndërsa disa skuadra tjera po shkëlqejnë.
Vitin e ardhshëm në Ligën e Kampionëve mund të kemi tri anonime, Leicester, Ëest Ham dhe Tottenham, ndërsa skuadrat tjera të mëdha të mbesin jashtë.
Daily Mail pikërisht për këtë, ka përzgjedhur 10 dështimet më të mëdha të këtij edicioni në Premierligë:
- Skuadrat vendëse- Tashmë skuadrat mysafire po fitojnë pa problem në fushat kundërshtare, diçka jo e zakonshme në Premierligë
- Eliaquim Mangala – U transferua për 45 milionë euro nga Porto, por është një dështim i madh në Manchester City
- Chelsea – Është një nga befasitë më të mëdha, kampion aktual i Anglisë, që fillimisht ishte një skuadër që rrezikonte mbijetesën, ndërsa tashmë duket si një skuadër mesatare
- Gokhan Inler – U llogarit si transferim i madh i Leicesterit nga Napoli, por ka dështuar tërësisht të përshtate në Premierligë
- Roberto Martinez – Cilësohej si një nga menaxherët më të mirë në Premierligë, por këtë edicion ka treguar dobësi të mëdha, duke qenë larg pozitave që dërgojnë në Evropë
- Stafi i mjekësor i Arsenalit – Arsenal është skuadra që po ka më së shumti probleme me lëndimet dhe kjo falë departamentit të dobët të mjekëve të skuadrës
- David Silva – Spanjolli ka qenë një nga lojtarët më të mirë të ligës që prej transferimit të tij në vitin 2010 nga Valencia, por këtë edicion ka qenë një dështim i madh dhe një nga fajtorët për rezultatet e dobëta të skuadrës së tij
- Bastian Schweinsteiger – U cilësua si një transferim i madh i Unitedit nga Bayern Munichu, por nuk ka përmbushur pritjet e skuadrës dhe tifozëve
- Christian Benteke – një nga transferimet më të mëdha të verës, i cili për 46 milionë euro nga Aston Villa kaloi në Liverpool, por ka qenë një nga dështimet më të mëdha në histori të Liverpoolit
- Eden Hazard – Belgu edicionin e kaluar ishte lojtari më i mirë i Chelseat dhe Premierligës ku fitoi edhe titullin e kampionit, por këtë edicion ka qenë një lojtar i padukshëm, i cili nuk ka treguar asgjë për të ndihmuar skuadrën e tij, e cila po kalon momentet më të vështira në 15 vitet e fundit
