Në orët e para të së shtunës, një shpërthim i fuqishëm ka ndodhur në rrugën “Muhamet Gjollesha”, në zonën e 21 dhjetorit. Nga informacionet e para bëhet me dije se shpërthimi ka ndodhur në një biznes privat në katin e parë të një pallati, pranë komisariatit nr.2.
Policia e cila ndodhet në vendngjarje dhe po punon për zbardhjen e rrethanave konfirmon se nga shpërthimi ka vetëm dëme materiale, në biznesin që shërbente si byrektore. Nga informacionet paraprake të policisë bëhet me dije se shpërthimi ka ndodhur për shkak të një rrjedhje në impiantin e gazit të byrektores.
Njoftimi i Policisë
Paraprake
Më datë 08.07.2017, rreth orës 04:20, në numrin e emergjencave civile 112, ka ardhur njoftim për shpërthim përball inxhinieria së ndërtimit.
Menjëherë në vendin e ngjarjes janë nisur Shërbimet e Policisë të cilët kanë konstatuar një dyqan ushqimi të shpejt i cili ishte i dëmtuar.
Nga hetimet paraprake rezulton se shpërthimi ka ndodhur si pasojë e një rrjedhje të një impianti gazi, në kuzhinën e këtij fast food
Grupi hetimor po punon për saktësimin dhe dokumentumin e ngjarjes.
ma.me
