Pasi u publikuan raportet financiare të sezonit të kaluar, u bë e ditur se Real Madridi e ka mposhtur Barcelonës sa i përket aspektit financiar, për shkak të përfitimeve më të mëdha. “Los Blancos” kanë fituar 784 milionë euro, ndërsa Blaugranët 686 milionë.
Barcelona përfitoi 227 milionë euro nga transferimi i Neymarit në Paris Saint-Germain, ndërsa Real Madridi fitoi vetëm 54.21 milionë euro për shitjen e Alvaro Moratas në Chelsea, përcjell Gazeta Express.
Megjithatë, Real Madridi arriti ta kompensojë këtë diferencë përmes parave të marra nga ndeshjet ndërkombëtare dhe ato miqësore. Ndeshjen e Ligës së Kampionëve ia shtuan 85.46 milionë euro, 4 milionë për Superkupën e Spanjës dhe Kupës e Botës për Klube, si dhe 18.54 milionë euro nga turneu parasezonal.
Megjithatë, shumën më të madhe “Los Blancos” e përfituan nga të drejtat televizive, 178.4 milionë euro, si dhe nga Adidasi, 297 milionë euro. Me Adidasin tani drejtuesit e klubit janë duke biseduar për një kontratë të re.
Për shkak të të gjitha këtyre përfitimeve financiare, presidenti i klubit madrilen, Florentino Perez, dëshiron ta rinovojë stadiumin Santiago Bernabeu, projekt ky që do t’i kushtonte 550 milionë euro. Megjithatë, që në fillim, rreth 400 milionë euro pritet të paguhen nga fondi i IPIC nga Emiratet e Bashkuara. /ma.me
